Isportellu Linguìsticu 2025

Torrant a comintzare sas atividades de s’isportellu linguìsticu. Annualidade 2024

Dae su 28 de su mese de freàrgiu e finas a su 31 de santugaine de su 2025 at a èssere ativu in su comune de Monteleone, cun Biddanoa Monteleone, comune capufila de su progetu, paris puru cun sos comunes de S’Ulumedu e de Potuvigàri, un’isportellu linguìsticu de 520 oras in totu, gestidu dae s’Istitutu Camillo Bellieni de Tàtari, s’operadora est Maria Leonarda Correddu. Su progetu s’isterret cun unas cantas atividades e, de pretzisu, pro cantu pertocat s’isportellu: atividade de informatzione in modalidade front office indiritzada siat a sa populatzione chi si diat a presentare in s’ufìtziu linguìsticu chi pro mèdiu de s’impreu de sas tecnologias noas. Atividade de promotzione de sa limba tutelada indiritzada siat a sos tzitadinos chi a sas realidades produtivas locales (consulèntzia in sas duas limbas de sas etichetaduras, menù de sos ristorantes, oràrios de abertura e serrada, insignas, comunicatziones promotzionales, libreteddos, depliant informativos, etz.).

Sas atividades de tradutzione, interpretariadu e consulèntzia linguìstica ant a èssere indiritzadas in prus de a sos Entes richiedentes, puru a sos tzitadinos, iscolas, bibliotecas, ludotecas, parròchias, Proloco, Entes, assòtzios culturales, de acoglièntzia, de recreu, etz.

Atividade contivigiada dae s’operadora de s’isportellu linguìsticu de Monteleone
Maria Leonarda Correddu

Atividade realizada cun su contributu de sa L. 482/99 e de sa L.R. 22/18.